هه‌واڵنێری‌ خۆرهه‌ڵات له‌ کرماشانه‌وه‌ ده‌ڵێت رۆژی‌ دووشه‌ممه‌ ئوتومبێلێکی‌ په‌یکان له‌سه‌ر جاده‌ی‌ نزیک پاسگای قه‌زانچی‌ له‌ کرماشان له‌گه‌ڵ‌ ئوتومبێلێکی‌ بارهه‌ڵگر خۆیان پێکداداوه‌ و هۆکاری‌ ئه‌م رووداوه‌ تا ئێستا روون نه‌بووه‌ته‌وه‌.

به‌هۆی‌ ئه‌م رووداوه‌وه‌ شۆفێری‌ په‌یکانه‌که‌ و دوو که‌سی‌ دیکه‌ی‌ ناو په‌یکانه‌که‌ بریندار ده‌بن و شۆفێره‌که‌ و یه‌کێکی‌ دیکه‌ له‌ برینداره‌کان به‌ر له‌ گه‌یاندنیان به‌ نه‌خۆشخانه‌ گیانیان له‌ده‌ست ده‌ده‌ن.

به‌پێی‌ وته‌ی‌ کارناسانی‌ رێگه‌ و بان له‌ ئێران، خراپیی‌ باری‌ رێگه‌‌وبان هۆکاری‌ سه‌ره‌کیی‌ رووداوی‌ ئوتومبێله‌ و ئه‌م هۆکاره‌ له‌ کوردستان به‌هۆی‌ پشت گوێ‌ خران و بایه‌خ پێنه‌دانی‌ له‌ لایه‌ن کاربه‌ده‌ستانی‌ کۆماری‌ ئیسلامیه‌وه‌ رۆژانه‌ ده‌بێته‌ هۆی‌ قوربانی‌ بوونی‌ ده‌یان که‌س له‌ خه‌ڵکی‌ کوردستان.

هه‌ر به‌ هۆی‌ رووداوه‌کانی‌ هاتوچۆوه‌ له‌ ئوستانی‌ کرماشان له‌ دوو رۆژی‌ رابردوودا لانیکه‌م ۱۲ که‌سی‌ دیکه‌ش بریندار بوون.