قه‌ره‌یلان له‌وتوێژێکدا له‌گه‌ڵ ڕادیۆی‌ میزۆپۆتامیا وتی‌ “دوو ساڵ پێش ئێستا جارێکی‌ تر سزای‌ ژووری‌ تاکه‌که‌سی‌ بۆ ماوه‌ی‌ ۲۰ ڕۆژ بۆ سه‌رۆکی‌ ئێمه‌ بڕدرابۆوه‌ دوای‌ چاوپێکه‌وتنه‌کان سزاکه‌ وه‌ستێنرا به‌ڵام جارێکی‌ تر ئه‌و سزایه‌ له‌سه‌ر سه‌رۆکی‌ ئێمه‌ و ئه‌و هه‌ڤاڵانه‌ی‌ لای‌ سه‌رۆکن په‌یڕه‌و ده‌کرێت”.

قه‌ره‌یلان له‌باره‌ی‌ کۆمه‌ڵکوژیه‌که‌ی‌ ڕۆبۆسکی‌ که‌ ۳۵ که‌س گیانیان له‌ده‌ستدا وتی‌ “ده‌وڵه‌ت هه‌وڵیدا به‌م کۆمه‌ڵکوژیه‌ گه‌لی‌ کورد بترسێنێت پێی‌ بڵێت به‌ره‌و دوا هه‌نگاو بهاوێژن”.

قه‌ره‌یلان ده‌ڵێت “له‌ساڵی‌ ۲۰۱۱ ویستیان وه‌کو تامیل گه‌ریلاکانی‌ په‌که‌که‌ له‌ناوببه‌ن و ئه‌م باسه‌یان خسته‌ ڕۆژه‌وه‌ و به‌هه‌مان پلان هێرشیان کرد به‌ڵام به‌هۆی‌ خه‌بات و تێکۆشانی‌ گه‌ریلاکانمان ئه‌و هه‌وڵه‌ پوچه‌ڵکرایه‌وه‌”.

قه‌ره‌یلان ئه‌وه‌شی‌ خسته‌ڕوو که‌ ساڵی‌ ۲۰۱۲ بۆ ئه‌وان ستراتیژیه‌ و ساڵێکی‌ چاره‌نوسازده‌بێت بۆ بزوتنه‌وه‌ی‌ ئازادیخواز و ئۆجه‌لان، وتی‌ “ساڵی‌ نوێ‌ ساڵێکی‌ یه‌کێتی‌ نه‌ته‌وه‌یی‌ ئازادی‌ ئۆجه‌لان و هه‌موو ده‌ستگیرکراوه‌کانه‌”.